【精華分享】Guy See 街市—新青協「過大海.睇街市」工作坊全直播(多圖) | 澳門中華新青年協會

【精華分享】Guy See 街市—新青協「過大海.睇街市」工作坊全直播(多圖)

《公共街市管理制度法》和《小販管理制度法》公開諮詢海報

《公共街市管理制度法》和《小販管理制度法》公開諮詢海報

最近,政府正就《公共街市管理制度法》及《小販管理制度法》進行公開諮詢,影響到未來我地街市將來既樣子,亦影響到未來賣菜俾我地既攤販,咁重要既大事,我地新青協一定要緊貼跟踪啦!

於是乎,新青協即刻組織左「過大海‧睇街市」工作坊,參加者大約二十多人,由本會城市發展關注委員會主任陳昭怡擔任主持,仲邀請香港觀塘區區議員顏汶羽作主講嘉賓,帶住我地分別參觀左香港的私營街市—啟業市場同公營街市—牛頭角街市,通過我地所見所聞,再配合嘉賓同我地講解香港街市優化經驗,希望可以對澳門相關管理制度法有更多既瞭解同睇法,係黎緊既公開諮詢期入面履行公民責任,發表自己覺得對澳門最好既意見同建議!

顏議員正向參加者講解

顏議員正向參加者講解

去到香港會合左顏議員之後,就去到第一站既啟業市場,啟業市場係一個私營街市,齋睇個外表,唔講以為係一個靚裝修既超級市場,我地入到去第一個反應,竟然有冷氣!仲有陣香味!地下唔濕!顏議員話係因為係入面做生意既攤販都提供場地的公司管理,如果攤販做唔到公司既要求,隨時可以唔俾個檔位佢地做,而街市入邊既所有設施都係由公司去維護保養,所以係衛生同環境方面都會比較好。咁之前一直俾人詬病既仕紳化問題呢?我地既參加者留意完價格,雖然我地唔係好清楚香港既價格,但同澳門比較相差不多甚至平D,但聽講都係會比街市貴少少,但平過超市。我地行行下仲會有廣播,同買餸既街坊講現時既市價,咁街坊就可以自己選擇合適既價錢,顏議員話咁係管理公司通過黎個方法去制衡攤販既價錢,係資訊透明既情況下,你賣得貴自然就冇人買。

啟業市場「超市?」

啟業市場「超市?」

魚檔地下冇水既!?

魚檔地下冇水既!?

價錢同澳門差不多

價錢同澳門差不多

買餸仲有積分草添!

買餸仲有積分草添!

參加者於啟業市場前合照

參加者於啟業市場前合照

睇完啟業,我地就向香港既公營街市—牛頭角街市出發!去到門口冇咩特別,普通街市樣,一入到去,咁既!?出乎我地意料地,係設施同環境上,澳門既街市可以講係仲好D,好多野都好舊,攤販賣既商品都係會擺到出人行既路上,令本身窄既路更窄,但賣野既種類就咩都有,蔬菜生果魚雞豬牛衫褲鞋襪沙煲罌罉,連錶都有得整,死未!街坊之間都有股人情味,個個人都好熟落,邊傾計邊買菜,黎個就係私營街市入邊唔多見既。顏議員話,香港既公營街市係港英政府為解決街上小販既一個制度,令佢地可以集中係一個地方賣野,易於管理,只要你依家仲有流動小販牌照,你都可以申請係公營街市入邊攞個位賣野架,咁租金幾錢呢?同澳門差不多,百令兩百蚊,同私營街市8000-20000一個位真係冇得比,所以D攤販都係開下唔開下,每日賣幾個橙都夠俾租,搵夠就收檔,但作為公共資源,咁樣又岩唔岩呢?顏議員話睇番澳門既管理制度法,睇得出澳門政府有管治街市既雄心壯志,香港政府對街市攤販都係處於一個無晒符既狀態,有條例但執行上處處都係問題,澳門政府要有徹底落實措施既決心,先有可能扭轉依家公營街市普遍處在既問題。

牛頭角街市入口 牛頭角街市入口

商品佔用部分行人通道

商品佔用部分行人通道

IMG_2208

係沙煲罌罉啊!(最緊要正字)

顏議員話佢由細係到大,個個攤販都識佢

顏議員話佢由細到大係到生活,個個攤販都識佢

俯瞰牛頭角街市設施環境

俯瞰牛頭角街市設施環境

係睇完兩個街市之後,一定要搵個地方好好討論下大家既睇法啦~係工作坊討論環節入邊,大家先分成幾組討論,再派代表出黎總結小組既睇法。有朋友仔話,香港公營街市同樣存在澳門街市攤檔空置率高的窘狀,同意澳門政府制訂新管理制度法,可以加強規管營運者,但重要既係確保有足夠高效的執行力,先可達到《公共街市管理制度法》及《小販管理制度法》既原意,希望當局認真思考執行細節,係未來能夠切實執行。亦有朋友仔認為,香港公、私營街市各有不同既優勢,達到穩定市場既作用,認為當局除左加強公營街市既管理規範外,亦可考慮用澳門新城區作為未來試點,嘗試引入私營街市模式,俾澳門市民提供更多元化既選擇,體驗下不一樣既街市體驗。

考察完討論環節唔少得

考察完當然唔少得討論環節

IMG_2274

 

IMG_2270

參加者各自分組討論意見

分組討論完派代表總結

分組討論完派代表總結

咁身兼城市規劃師、公共房屋諮詢委員會委員既活動主持人昭怡又有咩睇法呢?昭怡認為政府今次管理制度法既制訂,既有助提高攤販經營積極性,亦令公共資源係一個更公平既機制下進行分配,回應同解決到澳門市民對街市小販服務質素需要提高既訴求。但係,她覺得政府訂定相關規管既時候,亦需要顧及攤販營運既瓶頸,例如諮詢文本中提及,不可連續放假超過三天、一年內不可多於30天假期等條款,可以考慮調整為每月四天假期,以及配合彈性處理機制,俾攤販都可以有合理既休息時間,以及能靈活處理突發事情,而又不影響街市整體服務。此外,為了釋除攤販對規管制度既疑慮,當局須更清晰地釐定規管相關細節,解釋制度具體執行方法、扣分制項目同執法標準,減少日後雙方可能產生不必要誤會。昭怡又話,訂立規管制度之後,當局需要確保以公平明確既標準落實執行,一方面保障攤販相互權益同責任,另一方面發揮制度既管理效用,從而改善攤販經營效率同服務質素,令公共資源得到充分合理利用,滿足現今社會大眾對公共配套服務水平既訴求。

參加者與區議員顏汶羽(前排左五)合照

參加者與區議員顏汶羽(前排左五)合照

媽媽我上報紙啊!系列傳送門—【澳門日報】新青協考察港街市管理:http://www.macaodaily.com/html/2018-05/20/content_1266849.htm

會址 / 秘書處
電話: (+853)2835 8963
傳真: (+853)2835 8736
電郵:mymacau@macau.ctm.net
地址:澳門若翰亞美打街7號友聯大廈地下I鋪
辦公:周一至周日 09:30 - 18:30
新部落II
電話: (+853)2884 2705
傳真: (+853)2884 2707
電郵:nt2.mymacau@gmail.com
地址:氹仔杭州街雄昌花園46號地下U鋪
辦公:周一至周五 12:00 - 21:00
周六及周日 11:00 - 23:00
生涯規劃諮詢中心
電話: (+853)2884 2719
傳真: (+853)2884 2707
電郵:career.myorgmo@gmail.com
地址:氹仔杭州街雄昌花園46號地下U鋪
辦公:周一至周五 09:00 - 18:30
周六及周日 09:00 - 13:00
信和醫療中心
電話: (+853)2826 1727
傳真: (+853)2826 0921
電郵:sonvomed@gmail.com
地址:澳門筷子基蘭花前地278,284號信和廣場地下N及T鋪
辦公:周一至周五 09:00 - 13:00 , 15:00-22:00
周六、周日及公眾假期 09:00 - 14:00